కోకిలమ్మ

అంశం -కోకిలమ్మ

తేదీ - 21-06-2019

శీర్షిక - సృష్టి సమ భావన

సంఖ్య -217

శిశిరంలో ఆకురాల్చి వసంతంలో చిగురించగానే 

పిలవని పేరంటమై పండగలా వస్తావు ఆమని అతిథిగా 

చివురాకుల నేస్తమై కూనిరాగాలు తీస్తావు 

ఎద ఎదలో మధురానుభూతులు నింపేస్తావు  

రూపు నల్లనైనా నీ రాగమెంతో చల్లన

పిల్లలంతా నిన్ను అనుకరించి ఆటపట్టించినా

కొమ్మ కొమ్మన దాగుడుమూతలాడి అలరిస్తావు 

పిల్లలు కేరింతలతో ఆనందిస్తే మురిసిపోతావు

అంత మధురమైన కంఠమిచ్చిన దేవదేవుడు 

ఆ కాకి రూపం ఎందుకో ... నలుపు రంగు ఏలనో.......

ప్రపంచమేలే పంచ కళ్యాణి పలుకులు నువ్వు పంచితే 

బహుశ పిల్లల పొదిగి పెంచే పని కాకమ్మకు ఒప్పగించ కాబోలు...

ఆశతో ఎదురుచూసే మాకు ఋతుపరంగానే  వస్తావు 

పండగ అందాలు సందడి ఆనందాలు ఇనుమడిస్తావు

సృష్టిలో సర్వస్వం  సమ భావన సంకేతమల్లె 

నీ రాగాలాపన మిగతా కాలం అభ్యసించమనా....

ఏదైతే ఏం లే... నీ పేరు మీద బిరుదులే ఇస్తారు మనుషులకిక్కడ... 

నగునూరి రాజన్న