అంశం - ఇష్టాయిష్టాలు
తేదీ- 16-05-2019
శీర్షిక - ఇష్టాయిష్టాలు
సంఖ్య -187
రాజ కుటుంబమైనా ....
రాళ్లు కొట్టుకునే కూలీ అయినా
అమ్మాయి పుడితే ఆదిలక్ష్మే సుమా...
ఆడ దేవతల పేర్లన్నీ వల్లె వేస్తారు...
అమ్మానాన్నల వద్ద ఉన్నంత వరకు
ఇంటిల్లిపాది ఇష్టాయిష్టాలు
ఆ అమ్మాయి కనుసన్నల్లో ....
అదే అమ్మాయి పెళ్లయి అత్తారింటికి వెళితే
ఆమె ఇష్టాయిష్టాలుకు ఇక ఫుల్ స్టాపే ....
ఆరంభంలో అత్తా మామల మాట
తదనంతరం భర్త... పిల్లలు
ఆ వెనక బాధ్యతల మూట
అటునుండి ఇటు మారితే...
పెద్దరికమొస్తుంది కానీ... పేరుకే...
అహరహరం కష్టాల కుంపట్లు....
అలి తేరినా తీరని దాహం....
మినహాయింపు లేదు ఏ తల్లి తండ్రులకు
కడుపు కట్టుకుని పైసా పైసా కూడబెట్టి
కన్న పిల్లలన్న కనికరం లేకుండా
పిల్లల ఇష్టాయిష్టాలకు
పిసరంత విలువనివ్వక
కార్పొరేటోళ్ల కబంధ హస్తాల్లో పెట్టి
పెనుగులాటలు మనకు ....
పేరు ప్రతిష్టలు వాళ్లకు ....
నగునూరి రాజన్న
కరీంనగర్ (ప్రస్తుతం :రిచ్మండ్ )
No comments:
Post a Comment