అంశం- వస్త్రగాలితం
తేది- 18-06-2019
శీర్షిక: నివారణ కంటే నిరోధమే మేలు
సంఖ్య: 214
అనుభవజ్ఞుల మాటలో
అందెవేసిన సశాస్త్రీయ ఋజువులో
ఏదైనా పాటించి నిరూపించినదే
నివారణ కంటే నిరోధమే మేలన్నారు
వేల సంపాదనలకు వెతుక్కుంటున్న జనం
వేళకింత వండుకునే సమయం లేదు
కంచే చేను మేస్తున్న చందంగా
కనపడినది తిని కబళించుకుంటున్న ఆరోగ్యం....
స్వార్థ నాయక సరంగుల కను సన్నల్లో
సమస్త పాలనా యంత్రాoగం మసకబారుతున్నది .....
సక్రమం కాని అక్రమ మార్గాల ధనార్జనే
సముపార్జనగా బతుకుతున్న వైనం ....
అనారోగ్య చికిత్సలో నాణ్యత ప్రాధాన్యంకన్నా
ఆరోగ్య రక్షణ ప్రామాణికతలు పాటింపే మిన్న !
కలుషితాలను కడతేర్చ కదనమే చేయాలి
వ్యక్తిగతంగా సామూహికంగా సర్కారీగా .....
పచ్చ కాగితాల పలుకుబడులే పదిలమౌతన్న వేళ
ఆత్మీయతలు అనురాగాలు వల్లె వేయడం...
అవినీతి బంధుప్రీతి బలా దూరమంటుంటే
మానవత్వం మనిషి తత్వం వల్లె వేయడం...
ఒకటి కాదు రెండు కాదు ప్రతీ చోట
ప్రతీ నోటా అదేమాట......
యథా రాజా తథా పాలకులు అధికారులు
ఎన్ని వస్త్రగాలితాలైతే చేరేది.....
విశ్వ వీధి గగనాన సమున్నత శిఖరం
ఆరోగ్యమైనా అవినీతియైనా ....
నగునూరి రాజన్న
కరీంనగర్
No comments:
Post a Comment