ఇల్లు మారడం 2
పాత ఇళ్లో ... కొత్త ఇళ్లో...
సొంతిళ్లో.... కిరాయిళ్లో...
ఏదయినా మనకు మానసమే...
అన్ని రకాల మన జీవితాన
అలరించే మంచి చెడులకు
ఆలవాలమయ్యే దర్పణం ....
ఇరుగు పొరుగులతో
ఇక్కట్లు సక్కట్లలోన ... ఇగురంగా
ఇచ్చి పుచ్చుకోవడాలే కదా...
అవసరా నవసరాలను
బేరీజు వేసుకుంటూ ....
విడగొట్టి విసరడమే కదా ........ .
పాచి బూజుల్ని భరతం బట్టి
ప్రతి వస్తువును తడిమి తుడిచి
ప్రత్యేకంగా చుట్టుడే సుమా ....
దుమ్ము ధూళి దులుపంగ
మూతి ముక్కు నిండి
గొంతు చెడి ఒళ్ళు హూనం నమ్మండి !
ఇల్లు కట్టి చూడు పెళ్లి చేసి చూడు
ఒకప్పటి నానుడి ....
ఇల్లు మారి చూడు ఇప్పటి మాట....
No comments:
Post a Comment