అంశం - మళ్ళీ బడికి
తేదీ- 12-06-2019
శీర్షిక - పిల్లల్లారా రారండి
సంఖ్య - 209
కపటమెరుగని జీవుల్లారా
కల్మషమెరుగని బాలల్లారా
రారండోయి రారండోయి
పిల్లల్లారా రారండి పిల్లల్లారా రారండి
వేసవి సెలవులు ఇచ్చామంటూ
వేకువ లేవడం మరిచారా ....
ఇంటికిచ్చిన వ్రాత పనులు
కంటికి నచ్చిన విషయ వ్యాసాలు
కడు రమ్యంగా ప్రస్తుతించారా ... // రా //
బంధువులింటికి వెళ్ళారా ....
బహు బాగా షికార్లు కొట్టారా .....
బంధువులే మీకాడొచ్చారా ...
బరువు బాధ్యతలు మోసారా....
బంటులా మీరు కష్టించారా .... // రా //
అమ్మానాన్నలకు అందివచ్చారా ...
తోబుట్టువులకు తోడు నిలిచారా....
కొత్త బంధాలు తెలుసుకున్నారా ...
విజ్ఞాన వినోద యాత్రల కెళ్లారా ....
విరివిగ ఆనందాలు పొందారా ... // రా //
నూతన తరగతి పొత్తాలు కొన్నారా..
శస్త్రములన్నీ సమకూర్చుకున్నారా ...
ఆట పాటల ఆయాసాన్ని తీర్చుకున్నారా ...
శారీరకంగా దృఢత్వం పొందండి ....
మానసికంగా కూడా తయారవండి....
మళ్ళీ బడికై నేటినుండే బయలుదేర ....
// రా //
వేసవి సెలవులు విడవండి
పునాస చదువులకు తరలండి
అమ్మానాన్నల ఆలోచనలకు
అపురూపమైన ఆకృతినిచ్చి
మీ బంగరు భవిష్యత్తును తీర్చిదిద్దుకోండి ...... // రా//
నగునూరి రాజన్న
కరీంనగర్ (ప్రస్తుతం: USA)
No comments:
Post a Comment