అంశం : నా చూపు ప్రపంచమే ...
తేది : 24-06-2021శీర్షిక: సశాస్త్రీయ ఆధ్యాత్మిక సాంప్రదాయం…
కవిత సంఖ్య :695
శతాబ్దమైనదేమో శంక లేని బతుకులకు
ప్రపంచమే నా గుప్పిటంటూ సాంకేతిక
సంబరాల్లో...అలా మునిగిపోయిందో లేదో
పారా హుషారంటూ పరుగెత్తించింది
కంటికి కనపడని కరోనా క్రిమి .......
అప్పుడప్పుడు ఏవేవో అలలు తాకి
అనుభవాలు అతలాకుతలమైనా...
ప్రసూతి వైరాగ్యం ... శ్మశాన వైరాగ్యంలా
వెను వెంటనే మరిచి.. మనిషి విర్ర వీగే రకమే.....
విశ్వాన్నే వశం చేసుకోవాలనే
విషపు ఆలోచనల స్వార్థపరత్వం
రెచ్చిపోయి వెక్కిరించి బేజారెత్తిస్తూ
ప్రాణవాయువులకై పరుగెత్తించింది ....
జనాభాలు పెరిగినంత వేగంగా జ్ఞానబోధల
ఆనవాళ్ల అనుభవాలు..జోడించని రక్షణలు
విడమరిచి బోధించే విశ్వ గురువుల కరువేమో
కొట్టొచ్చినట్టు... కొండెక్కినట్టయింది సంస్కారం .....
సంప్రదాయాలను సన్నుతించడం తగ్గి...
వల్లె వేసిన వారిని రెల్లు గడ్డిలా తీసేసి...
మునుము బెట్టి మనువునెక్కిరించి
పాశాత్యపు పైత్యములే ఒంట బట్టె .... .
అత్యంత పురాతమని ఘంటాపథం
అదొక జీవన విధానమేనని గుర్తించు
సశాస్త్రీయతల నిబిడీకృత సంపద
ఆధ్యాత్మికత మెండుగా నిండిన హైందవం ......
గుడ్డిగా వాదించక గుంభనంగా వినుకునుడే
నా చూపు ప్రపంచం .....
నగునూరి రాజన్న
కరినగరము
No comments:
Post a Comment