చిత్ర కవిత 20
తేది: 19:07:2021
శీర్షిక : యువత తిప్పలు
కవిత సంఖ్య : 710
పాలకుల పాచికలన్నీ యువత
చుట్టే తిప్పి వలేసి ఉప్పు చేపలు
పట్టి ఉద్యమాలు చక్కబెట్టుకుని
వాళ్ళ ఉద్యోగాలు వెలగబెట్టుకున్నారు...
మధ్య తరగతి మిధ్య బతుకులకు
ఉన్న పదో పరకో ఊర్చిపెట్టే విధంగా
ఉపాయాంగ ప్రవేటు విద్యాలయాలను
ఉసిగొలిపి... ఉన్నదంతా ఊర్చేదాకా
ఊరుకునేది లేదంటూ…. ఊదరగట్టి
ఊడపెరుక్కుంటున్నారు….ఊసరవెళ్ళి
పెట్టుబడిదారు నాయకులు…
పథకాల పేరుజెప్పి పతారాల
పబ్బం గడుపుకునే పాలకులు
ఉపాధి విషయాల ఊసులన్నీ
హుష్ కాకి చేసేసి ఉసురు తీస్తుంటే….
డిగ్రీల మీద డిగ్రీలు; పీ జి లతో
కలల ప్రపంచాలన్నీ కళ్ళముందే
కబళిస్తున్న కలికాలపు అధికార
గణాలపై కన్నెర్రజేసి కవాతు జరిపి
కదంతొక్కుతుండె యువత ఉద్యమాల బాటలో …
పిక్కటిల్లే ఉద్యమ నాదాలను
ఉక్కుపాదాలనైనా అణగదొక్కాలన్న
తిక్క ఆలోచనల ప్రభుతలతో
తప్పని తిప్పలాయె యువతకు….
నగునూరి రాజన్న
కరినగరము.
No comments:
Post a Comment