1.
శ్రీ శంభు తనయునకుసిద్ది గణనాథునకు
వాసి గల దేవతా
వంద్యునకు స్థిరముగా
జయ మంగళం
నిత్య శుభ మంగళమ్ ....
ఆ సరస విద్యలకు
ఆది గురువైనట్టి
భూసురోత్తమ
లోక పూజ్యునకును // జయ //
ఓ బొజ్జ గణపయ్య
ఓర్పుతో రక్షించు
కాచి మమ్మేలుమయ్యా
కరుణ తొడ
// జయ //
పంచామృతముల నిన్ను
అభిషేకింతుము
పానకము వడపప్పు
పర్వమున నీకు
// జయ //
పత్రి పూలతో నిన్ను
పదిలమై గొలుతు
పనస మామిడి
దానిమ్మ ఖర్జూరాలతో
// జయ //
2.
మంగళమని మంగళమని
మంగళ మనరే
మంగళమని పాడరే
మన గణనాథునికి
శుభ మంగళమని పాడరే
మన గణనాథునికి (2)
ముత్యాల హారతులు
ముదితలివ్వరే
మూషికా వాహనునికి
ముచ్చటతోను // శుభ//
కరి వదన సదనునికి
శాంతి మంగళమ్
గిరిసుత ప్రియ తనయునికి
దివ్య మంగళమ్ // శుభ //
సిద్ది బుద్ది ప్రదాయునికి
ప్రసిద్ధ మంగళమ్
సదా శివుని కీర్తునకు
సర్వ మంగళమ్ // శుభ //
No comments:
Post a Comment