జల గీతాలు తేదీ : 26-06-2021

 జల గీతాలు

తేదీ : 26-06-2021
శీర్షిక :జలం విలువ
కవిత సంఖ్య : 697

చేయి చేయి కలుపువయా
చేతనయింది నిలుపువయా

వరద పారు సెలయేళ్ళు
వాన నీటి జీవనదులు
అవే కదా ఆనవాళ్లు
ఆనాటి నాగరికతలకు  // చేయి //

జలమేరా జీవరాశి మూలం
ఆ జలం విలువ
తెలుసుకొనుటే
మనిషిగ మన ధర్మం    // చేయి //

ప్రతియేటా  చెట్లు నాటి
పచ్చదనం పెంచవయా
దట్టమైన వనసంపద
వాటమైన వర్శమిచ్చు ... // చేయి //

అమాయకపు సెలయేళ్ళను
అన్యాక్రాంతం చేయబోకు
నిఖార్సయిన నదీమలను
నిలువెళ్ళా  దోచెయ్యకు  // చేయి //

తాగు నీరు సాగు నీరు
ప్రాణప్రదం జీవాలకు
కలుషితాలు నింపబోకు
విషతుల్యం చేయబోకు   //  చేయి //

ప్రాణాలను నిలిపేటి
పంచభూతాత్మలను
పట్టినా ముట్టినా
పబ్బతులే ఆనాడు      // చేయి //

అనుభవాల సారమే
ఆచారం సంప్రదాయం
అవహేళన చేయబోకు
సత్వరమే గుర్తించు    //చేయి //

నగునూరి రాజన్న
కరినగరము