సందిగ్ధ సంధ్య 2
తేదీ :07-07-2021
శీర్షిక : తొలి ... మలి సంధ్యలు
నాడయినా నేడయినా ఏనాడైనా
అన్నీ ముత్యపు సంద్రాల ముద్దులే
అందరూ పగడపు వసంతాల దీవులే
అందరికీ అందరూ కొంగు బంగారపు
కొండలే ....
కలిమి లేనినాడు కడుపుకింత
తినిపించి కళ్ళల్లో ప్రేమను కురిపిస్తే…
కలిమి బలిమిలు పెరిగాక కానివాటికి
కూడా కాసులు కుమ్మరించి చేతులు
దులుపుకుంటూ….
కలికాలపు ఛాయలలో కాసులవేటకై
సమయ సమర శంఖాలు మ్రోగిస్తూ
కన్న ప్రేమను కాసుల కొలమానం చేసి
కాలరాస్తూ కరాళ నృత్యాలు చేస్తూంటే….
కనుచూపు మేర అంతా వారేనన్న అత్యాశల
ముత్యములేరుకుంటూ అడుగులేస్తున్న
ఆశల గొడుగుల అమ్మానాన్నలకు రెక్కలొచ్చి
వలసలతో గొలుసులు తెంపుకుని ...
అండదండలవ్వాల్సిన ముదిమి వేళలలో
ఖండ పరిసరాలను దండిగా దాటుకుని
పిండాల వేలకు పక్షుల్లా తిరిగొస్తుంటే
తొలి సంధ్యల లాలనలన్నీ మలి సంధ్యల
వాన ప్రస్థాన సంధిగ్దమేగా .....
నగునూరి రాజన్న
కరినగరము
No comments:
Post a Comment