సర్దుబాటు జీవితాలు
తేదీ : 29-06-2021
శీర్షిక : సగటు మనిషి బ్రతుకు చిత్రం …
కవిత సంఖ్య : 699
శీర్షిక : సగటు మనిషి బ్రతుకు చిత్రం …
కవిత సంఖ్య : 699
సంతోషాల వెదుకులాటలో
సర్దుబాట్ల సింహాసనం ఎక్కాల్సిందే
మంచమున్నంతవరకే కాళ్ళార చాప
గలిగితే కడుపులో చల్ల కదలనంటుంది....
ఆకలివేళ అమ్మ అందరికి
కడుపులు నింపి సర్దుకుంటే
అవసరాల వేళ బాధ్యతల
బందీలో నాన్న సర్దుకుంటాడు....
తల్లి వేరు మీద బరువును నిలిపిన
తరువు సరిచేసుకుని పెరిగిన చందం
ఎప్పటికప్పుడు లెక్కలు సరిచేసుకుంటూ
తాళం తప్పకుండ చూసుకోవాలి ....
ఉన్నవాడికి తింటే అరగదు
లేనివాడికి తిండే దొరకదు
అన్నాడో మహానుభావుడు
అక్షరాలా పచ్చి నిజమది....
వ్యక్తులైనా నాయకులైనా దేశాలైనా…
కాదంటే మొదటికే మోసంలా…అప్పుడెప్పుడో
ఆలోచన లేని నాయకుల ఆగడాలకు
మనం ఇప్పుడెదుర్కుంటున్న పెట్రోమంటల్లా ....
నగునూరి రాజన్న
కరినగరము.
No comments:
Post a Comment