బాలల గేయం తేది: 10-07-2020

 బాలల గేయం                         

తేది: 10-07-2020

శీర్షిక : మాతృభాషపై మమకారం 

సంఖ్య : 705

రారండోయి రారండోయి 

బాలల్లారా విన రండోయి 

వరసపెట్టి మన తెలుగు  

వర్ణమాలను వల్లె వేయండి 

అచ్చులు హల్లులు 

పొల్లుపోకుండ

మీరు నేర్వండి  .... //రార//

అచ్చుల్లోన పొట్టి పొడుగుల 

విడిగా  గుర్తించండి 

హల్లుల్లోన కలివిడైన

సరళ  పరుషముల

పలుకుట నేర్వండి..... // రార//

గుణింతాలనే గణించి మీరు

గమ్మత్తులనే  చూడండి

ద్విత్తము సంయుక్తములను 

దివ్యంగా గుర్తెరగండి …. //రార//

భవితను శాశించే 

భావి పౌరులు మీరండి 

ముద్దు ముద్దుగా 

తెలుగును మీరు హత్తుకోండి   // రార//

 

ప్రాచీనతలే  పదిలపరిచి  

పరవశాలనే పొందండి      

పర భాషల మోజులో పడి 

మాతృభాషను మరవద్దండి.    // రార//

నగునూరి రాజన్న 

కరినగరము