సందిగ్ధ సంధ్య
తేదీ :06-07-2021శీర్షిక : తొలి ... మలి సంధ్యలు
కవిత సంఖ్య :702
కలుషితాల విశ్వాన ....
అల్లన మేఘాలలో తొంగిన
నయన ముగ్ద మనోహరమైన
ఉదయ భానుని తొలి సంధ్యల
భూపాళం ...
పరవశాల పక్షుల కిలకిలా రవములు..
సాయం మలి సంధ్యల సరాగం ....
పచ్చని తరువుల పైర గాలుల వీవనలు
ప్రశాంత నిష్కల్మష వాతావరణ శ్వాసలు
వినసొంపైన పశు సంపదల పోలికేకలు
ముందు ముందు పొత్తములో తప్ప మురిపాలు
మచ్చుకైనా కానరాని జాడలసంధింగ్ధాలే ....
ఉరుకుల పరుగుల ప్రపంచంలో
ఉమ్మడి కుటుంబాల ఉనికిని
మరచిన స్వార్థాల మానవలోకం ....
ప్రేమ గుడ్డిదన్న చందంగా పిల్లలే
తమ లోకమనే వింత ప్రవర్తనలు .....
కష్ట సుఖాల కావడులను కనపడనీయక
కాళ్లకు మట్టి అన్నదే అంటనీయకుండ
కళ్ళల్లో పెట్టుకుని చూసుకుంటూ
కన్న పిల్లలను మభ్య పెడుతూ ....
అంతా వారేనన్న అత్యాశల
ముత్యములేరుకుంటూ అడుగులేస్తున్న
ఆశల గొడుగుల అమ్మానాన్నలకు
వలసలతో గొలుసులు తెంపుకుని ...
అండదండలవ్వాల్సిన వేళలో
ఖండ పరిసరాలను దాటుకుని
పిండాల వేలకు తిరిగొస్తుంటే
మలి సంధ్యల వాన ప్రస్థమంతా
సంధిగ్దమేగా .....
నగునూరి రాజన్న
కరినగరము
No comments:
Post a Comment