నటి సౌందర్య తేది: 18-07-2021

 నటి సౌందర్య

తేది: 18-07-2021
కవిత సంఖ్య: 38
శీర్షిక : అమాయకత్వపు చిరునామా

అచ్చ తెలుగు అమ్మాయిలా
అందిపుచ్చుకున్నది టాలీవుడ్
అమాయకత్వం నిండిన అందం
అపురూపమై జీవించే నటనం ....
ఆమె సొంతం ...

అసలు పేరు సౌమ్య అయినా
వెండితెరల జాడల్లో  సౌందర్యగా
అనతికాలంలోనే అందుకుంది
అత్యున్నత  నటనా పురస్కారాలు .....

సంస్కృతీ సంప్రదాయాల
నిలువెత్తు రూపం ...హద్దులు దాటని
నటనలతో అందరి మనసులు
చూరగొన్న అనితర నట శిఖామణి ...

అనేక భాషల్లో నటించి మెప్పించి
నవరసాలను అలవోకగా పండించి
సహజ నటి సావిత్రిగారికి  వారసురాలై
పేరు ప్రఖ్యాతులు పొందిన  దిట్ట.....

పౌరాణికం ...సాంఘికం ...జానపదం....
చారిత్రకం ...హాస్య ప్రియం... శృంగారం ....
సందేశాత్మకం....  చిత్రమేదైనా
చిత్రంగా ఒదిగిపోయే పుత్తడి బొమ్మ .....

కరుణ రసమును కళ్ళల్లో పలికించి
ప్రేక్షకుల  కరిగించి... కంట తడి పెట్టించి..
కమనీయపు దృశ్యాలతో .... వారి గుండెల్లో
నిలిచిపోయిన  నట విదుషీమణి.....

నగునూరి రాజన్న
కరినగరము