నేను తను
తేదీ :08-07-2021శీర్షిక : నేను తను ...ఒకటే....
కవిత సంఖ్య :703
అర్థ జీవితం అలవోకగా దాటేసినా
అలనాటి జ్ఞాపకాల దొంతరలు
తడుముకుంటుంటే మనసంతా
మలయ మారుతాల వసంతమే.....
అమ్మింటి బందమేనని ఆరు
వసంతాల నుండే ఇంటిల్లిపాది
ఇరకాటపు మాటలంటుంటే
మధురమైన ఊహల పొద...నాతో
పాటే పెరిగి పెద్దదయింది ....
నేనే తానుగా .... తానే నేనుగా ...
ఆలోచనల ఇంద్రధనుస్సులతో
అపురూపంగా మలుచుకున్న ఊహల
శిల్పం స్పృశిస్తూ సంవత్సరాలు
రోజులుగా... రోజులు క్షణాలుగా కదులుతూ ....
స్వంత కాళ్లపై నిలబడేదాకా ఎదురు
చూస్తూ కాలం ఎలా గడిచిందో తెలియలేదు .....
ఆ అందమైన కాలములోనే
ఈ కలివిడి భావనల పరంపర
ఓ అద్వితీయ కానుకలా అండగా
నిలిచి అడుగులు వేయించింది .....
శివునాజ్ఞ లేనిదే చీమయినా
కదలదన్నట్టు ఒక మంచి
బ్రహ్మ ముహూర్తమున నేను
తానుగా .... తాను నేనుగా ...
ఒక్కటయ్యే మనువు ముడివేసింది ......
నగునూరి రాజన్న
కరినగరము
No comments:
Post a Comment