అడుగుల సవ్వడి
తేది : 24-06-2021శీర్షిక : అపర సరస్వతి మా అమ్మ
కవిత సంఖ్య : 139
అక్షరాభ్యాసాల నాటి నుండే
అకుంఠిత దీక్షా దక్షతలే
అనుక్షణం ఆరాటములే
అడుగడున పోరాటములే
అంతగా చదవక పోయినా
అంతర్ దృష్టి కలిగిన అమ్మ
అమ్మలగన్న యమ్మ అపర
సరస్వతీ దేవియే మా అమ్మ ....
పల్లె పట్టున మల్లెలా వెలసినా
ప్రతీ క్షణం మా ప్రగతి ఆలోచనలే
ఉన్న కొంచం... గొప్ప...విజ్ఞానాలతో
ఉరకలేయించి మమ్మల్ని ఉసిగొలిపేది.
కూత పెట్టే కుక్కుటము కన్నా ముందే
లేపి వల్లె వేయించేది ఆనాటి పాఠాలు ...
మగతగా జోగినా మరునిమిషం పసిగట్టేది...
ఎప్పటికప్పుడు ఏ పనిమీదున్నా మా కదలికలే ...
అమ్మ అడుగుల సవ్వడే నాలో
కదిలే అక్షరాలకు ఆకృతి ఈనాడు
పదమైనా ... కవితైనా ... గేయమైనా....
హైకూలు కథలుగా ఆవిష్కరించినా ....
నగునూరి రాజన్న
కరినగరము
No comments:
Post a Comment