వెన్నెల జల్లు
తేదీ : 16-05-2022
శీర్షిక : తారాజువ్వలు ...
కవిత సంఖ్య: 129+3
బంగారు బాల్యం కొంత
వెండి పూల వెన్నెల రథంలో
ఊరేగినందున.. కొన్నయినా
అనుభూతులను అక్షరీకరిస్తున్నాం .
నిశి చీకట్లను తరిమేసి
ప్రకాశవంతమైన ఆకాశ
పందిరిని చల్లని వెన్నెలతో
మెరిపిస్తూ అందిస్తుంది .....
విశ్వ దీపపు విశాల కాంతిలో
వింతగా కొలువుదీరి
కుటుంబమంతా కల్సి
చేసిన భోజనాల ముచ్చట్లు ...
పొలం పనులకెళ్లినప్పుడు
పొన్న పూలు ఆరబోసినట్టు
రాత్రంతా కనిపెట్టుకుని
చల్లని జల్లులు కురిపిస్తాడు ....
నాగరికతల నడకల్లో మనం
త్రిశంఖు స్వర్గంలో నిలిచి
విద్యుత్ దీపాల కాంతిలో
బందీలమై ... వింతగా మరిచాం ...
ప్రకృతి అందాలను ...
నాలుగు గోడల మధ్యన
నలిగిపోతున్న నేటితరానికి
స్వీయ అనుభవాలు లేక ...
నమిలి పారేసిన పిప్పిలోంచి
నకలు కొట్టాల్సి వస్తుందేమో ....
వెన్నెల జల్లుల తారాజువ్వలు ...
నగునూరి రాజన్న
No comments:
Post a Comment