నేల రాలని నక్షత్రాలు
తేది: 27-04-2022
శీర్షిక : అజరామర కాంతి పుంజాలు
కవిత సంఖ్య : 890
స్వార్థమెరుగని సరంగులు
జనక్షేమ తారకమే మననం ....
యుగాలు దాటినా జగాన
మది మదిన తలపుల కొలుపులే .....
తల్లిదండ్రుల యందు దయలేని
పుత్రుండు .... పుట్టనేమి వాడు గిట్టనేమి
పుట్టలోన చీమలు పుట్టవా ... గిట్టవా ....
అన్న చందంబున .... అందరుంటే .....
పరంధాముడే పుణ్య పురుషుడై
పుడమియందు నడయాడే ....
అమ్మ మాటల ఆనతిన
తండ్రి మాట జవదాటని
జగములేలిన పురుషోత్తముడు ....
ఒకటే మాట ... వరాల మూట
ఒకటే బాణం... కారణ జన్మం
ఒకరే పత్ని .... శుభాల రాముడు
నారాయణుడే నరుడై తెలిపే .....
కోట్ల సంవత్సరాల సంస్కృతి
లక్షల సంవత్సరాల సాంప్రదాయం
వసి వాడని వేద సంపదలు
మనకందించిన పుణ్య మూర్తులు .....
అన్న మాట తప్పక హరిశ్చంద్రుడు
జాతి కోసమై జన్మించిన సమరయోధులు
జనులకొరకై పాటుపడిన
జన్మతః నాయకులు ... అందరూ
అలుపెరగని అజరామర కాంతి పుంజాలు ....
శీతల హిమశిఖర సమున్నతాలు .....
నగునూరి రాజన్న
No comments:
Post a Comment