కోరుకున్న జీవితం
తేది :09-04-22
శీర్షిక : శ్రీకారం
కవిత సంఖ్య: 251
పశుపక్ష్యాదులకు పట్టుమని
పుట్టతేనెల కోరికలుండవు...
కాలగమనాలకనుకూలంగా
కవాతు చేస్తూ కథ నడిపిస్తాయి...
ప్రకృతిలో భాగమైన మనం
పసిగట్టమెందుకో నియమాలు
బాధ్యతల బడిలో చదువుకుంటేనే
బతుకుదెరువు బహు చక్కగుంటది….
మనిషికే కోరికలన్నీ పచ్చి బాలింతలా
పరిశ్రమలేవి చేయకుండానే
పదిలమవాలి సంపదలు…
నియమాలేవి పాటించకుండానే
నిధులు సమకూరాలి… ఎలా ?
స్వార్థాల సంబరంలో మునిగి
ఎదుటి వారిని తొక్కైనా సరే
ఎదగాలనుకుంటున్నారు ఇపుడు…
అధికారం తోడైతే… ఆపలేము ఎవరిని…
నీతి నిజాయితీల నీడలలో
న్యాయ ధర్మాలపై నడవాలి
అందలం ఎక్కాలనుకుంటే
ఆదిశగా ప్రణాళికలుండాలి …
పారిశ్రామికాల ఫరిడవిల్లి
సాంకేతికాల సొబగులద్దుకున్నాక
ఎదుటివారికి నామాలు పెట్టకుండా
కోరుకున్న జీవితానికి శ్రీకారం చుట్టాలి…
నగునూరి రాజన్న
కరినగరము.
No comments:
Post a Comment