గెలుపు గమ్యం
తేది: 09-05-2022
శీర్షిక : అన్నీ సమన్వయం చేస్తే ....
కవిత సంఖ్య : 129+2
సమస్యల వెంటనే పరిష్కారాలు
తాళం...తాళం చెవి లా పక్క పక్కనే
ఉంటాయనే సత్యం తెలిసాక ....
నిరుత్సాహల నీడలను కూడా
దరి చేరనీయను ....
గానుగలో గంటెడు నూనె
చిక్కాలంటే...చక్కని కృషి
శ్రమల సమన్వయం కలగలిపి
వండి వార్చిస్తే తగినంత .....
కంచె గడ్డిలో కాలి నడక బాటలా
నడుస్తూ పోతూంటే... దానికదే
దారి పడినట్టుగా...పట్టుదలలే
పెట్టుబడిగా సాగిపోతే చిక్కదా ...
వరుస వైఫల్యాల రుచులను కూడా
వైవిధ్యతల జోడింపులతో విజ్ఞాన
ఖనులమన్న నామధేయం సార్థకమయ్యే
విధంగా...విజయాల నిచ్చెనగా మలు
నిండుగ పండిన చెట్టులా ...
ఎత్తుకు ఎదిగినకొలదీ... ఒదిగి
ఒదిగి...వినమ్రతలను చిరునామాగా
చేసుకుంటే...వింతగా మన చెంతనే.....
ఉచిత సలహాలు ఊరు నిండినా ....
అందరివి వింటూ కూడా ...వివేచనల
వైద్యం సొంతగా చేసుకుంటే ...
స్వయంకృషికి దాసోహం కాని
గెలుపు గమ్యముంటుందా ......
నగునూరి రాజన్న
No comments:
Post a Comment