బంగారు తీగెలు
తేది: 07-04-22
శీర్షిక : శిరోమణులు
కవిత సంఖ్య : 249
ఆత్మీయతలకు అంకురం
అనురాగాలకు సంకేతం
అనుబంధాలకు చిరునామా
ఆడవారి మనసు తనువు .....
అమ్మగా ఆర్తితో మెప్పించినా
అక్కగా ప్రేమతో ఆదరించినా
చెల్లిగా చిలిపి చిరునవ్వు నవ్వినా
ఆలిగా మన జీవితాన మురిపించినా...
ఆడవారికే అంతా చెల్లింది
మల్లెతీగై పరిమళాలు వెదజల్లింది ...
అందమైన నవ్వులు...అలుపెరుగని
సేవలు ... చిన్న పలకరింపుకే
కొండంత ఆనందాలు ....
ప్రకృతికి మారుపేరై మానవాళి
మనుగడలను నెత్తికెత్తుకున్న
హిమనగ శిఖర సమానురాలు
మహిమాన్విత మధుర శిరోమణి ....
ఏమిచ్చి ఋణం తీర్చుకోగలం
ఆ బంగారుతీగల బానిసలం
అసందర్భపు విలుకాని చేతులు విరిచైనా
విలువల వలువలతో సత్కరించడం ...
మినహా ....
నగునూరి రాజన్న
కరినగరము
No comments:
Post a Comment