పుణ్య పురుషులు తేదీ : 06-04-22 శీర్షిక : స్వార్థరహితులు

 పుణ్య పురుషులు

తేదీ : 06-04-22

శీర్షిక : స్వార్థరహితులు 

కవిత సంఖ్య : 123+3

రెండు కాళ్ళు రెండు చేతులు 

ఒకతల ఒడ్డూ పొడుగూ ఉన్నంత 

మాత్రాన అందరూ సమమై పోరు 

ఆనందాల పుణ్య పురుషులై పోరు .... 

ప్రకృతిలో పయనిస్తున్న 

మనమంతా...పరుల క్షేమం 

కోరకుండానే పవిత్రులెలా ? 

పుణ్య పురుషులయ్యేదెలా ? .... 

పశు పక్ష్యాదులు ఆకలి వరకే 

వేటాడుతుంటే ... స్వార్థ చంకన 

చేరిన మనుషులు మాత్రం 

తమకే కాకుండా తరాలకు 

కూడా తరలించుకుంటున్నారు... 

పురుషులందు పుణ్యపురుషులు 

వేరయా విశ్వదాభిరామ వినురవేమ 

అన్న చందంగా ... పదుగురి కొరకు 

ప్రాణాలర్పించే వారే పుణ్య పురుషులు ....  

సంఘ హితం సదా కోరే పాలకులైన 

పదాధికారులైనా  పవిత్రులే .... 

ప్రజాహితమే ప్రాణ ప్రదమై జీవించే 

ఋషిపుంగవులు ... సామాన్యులు 

సన్నిహితులే ... పుణ్యపురుషులు .... 

భూతదయల బుద్ధిమంతులు 

పరులయందు పవిత్రులు 

దానాలకు దండి గుండెలు 

తర్పాణాలకు అర్పణలు చేసేవారు ... 

కన్యాదానంతో కలుషితమెరుగని 

సృష్టి వృద్ధికి సద్గతులు చేరేవారు .... 

పరమత సహనం పాటించేవారు .... 

కపటమెరుగని సత్యవంతులు .... 

నగునూరి రాజన్న 

కరినగరము