దాన ధర్మాలు
తేది : 03-05-2022
శీర్షిక : పవిత్ర రంజాను
కవిత సంఖ్య : 895
ఇరుగుపొరుగై ఇగురంగా
బతికిన రోజులు గుర్తుకొచ్చాయి ...
బాల్యంలో బంధుత్వంతో
పిలుచుకునేది మా పల్లెలో ....
పీర్ల పండుగకు కాలు కలిపి
కల్సిమెల్సి గజ్జె కట్టేది .....
కొబ్బరి బెల్లం ప్రసాదం
సామరస్యంగా పంచుకుని తినేది .....
గ్రీష్మం హుంకరిస్తున్నా
భీష్మించుకు పాటించే వ్రతం రంజాన్ ...
పగలంతా నిరాహారమై పండు
వెన్నెలలను నింపుకునేది ....
దివ్య ఖురాన్ ఉద్భవించిన మాసమని...
దివారాత్రాలు క్రమశిక్షణలను ఊపి
ధాతృత్వం ధరింపజేసుకుని
ఆధ్యాత్మిక చింతనలు అలవర్చుకునేది .....
జకాత్ నియమంతో పేద జనులకు
పెన్నిధిగా చేసే దాన ధర్మాలు సహా
జీవనానికి ప్రతిబింబమై... సంఘ
ప్రశాంతతకు సంధిగా నిలుస్తుంది .....
స్వార్థాలకు సంధి కొట్టి
మంచి గుణాలకు మారుపేరై
దానధర్మ గుణశీలతలకు నెలవై
ఆధ్యాత్మికతలకు సాక్షీ భూతంగా
నిలిచేదే పవిత్ర నెలవంక .....
అందరు బాగుండాలి ....
అందులో నేనునుండాలని
ఖసం తీసుకుని కాయంను
సమాయత్తం చేసే పవిత్ర రంజాన్ .....
నగునూరి రాజన్న
No comments:
Post a Comment