మౌనం
తేది : 06-04-2022
శీర్షిక : రామబాణం
కవిత సంఖ్య : 247
జీవరాశిలోని భావరాశికి
మాటే మంత్రమైన మనిషికి ఆభరణం ...
బంధాలకు అనుబంధాలకు
బయల్పడిన రామబాణం ...
జ్ఞాన సముపార్జనములో పెద్దన్న
కోటలు కూల్చే కొదమసింహం
మమతల పందిరిలో గుండుమల్లెలు
మనసుకు మార్గదర్శనంలో మరో నయనం ....
మనస్పర్థలు గొడవల మధ్య
గాయాలు గమ్మత్తుగా మాయం
చేసే ఔషధ మూలికల లేపనము
అవాంతరాలనధిగమించే వారధి ....
జవాబు దొరకని సన్నివేశాలలో
జనాలకు దొరికే వజ్రాయుధం ....
తలపుల మధురిమలలో నిలిచే
తన్మయత్వాల చిరు దీపం ....
కలల కల్పనలలో కాలజ్ఞానం
వేల ప్రశ్నలకు వెలలేని సమాధానం
పరిచయం లేని అనుభవాల వేల
పరితపించే మూగ మనసు వేదన ....
నగునూరి రాజన్న
No comments:
Post a Comment