సొగసరి
తేది: 05-04-22
శీర్షిక : అనురాగం
కవిత సంఖ్య : 246
సొట్టబుగ్గల సొగసరివని
దండి మాటల గడసరివని
ఆరబోసిన అందం ముందు
అందరూ దిగదుడుపేననె ...
మాయమాటల మురిపించి
కల్లబొల్లి కబుర్ల మరిపించి
తీపి కబుర్లు తినిపించి
ఎదురు లేదని ఎద మీటాడు ....
కమల రేకుల అందమని
కలువ కన్నుల భామవని
పసిడి వన్నెల మెరుపు తీగవని
పాటల పూదోటలో విహరింపజేసి
పల్లవి చరణాల అనుబంధమన్నాడు ...
ప్రకృతిలో పచ్చదనమని
పరవశించే గలగలలు సెలయేరని
పసిడి పంటల ధాన్యరాశని
మా ఇంటి మహాలక్ష్మివని కొనియాడె ....
ఎన్ని జన్మల బంధమో
ఎదమీటిన అనురాగం
ఎదురు చూడని అదృష్టం
ఇలా సాగితే జన్మ ధన్యమే ......
నగునూరి రాజన్న
కరినగరము
No comments:
Post a Comment