అక్షరాలను అడగాలనుంది తేది: 28-04-22 శీర్షిక: ఒప్పుల కుప్ప

 అక్షరాలను అడగాలనుంది 

తేది: 28-04-22

శీర్షిక: ఒప్పుల కుప్ప

కవిత సంఖ్య: 891

విజ్ఞానాల వీచికవు కదా…మరి

విచిత్రరీతుల విన్యాసాలు చేస్తూ  

విపరీత ధోరణులను పోషిస్తూ 

వింత పోకడలకు నాందీలు 

పలుకుతున్నావెందుకు ? 

అక్షరమంటే అధిదేవతనే కదా ... 

అరువది డెబ్బదేండ్ల నుండి 

అనుభవాల ముచ్చట్లెన్నింటినో

అబద్దాలుగా అక్షరీకరించి ఎందుకు

అవపోశనల పట్టిస్తున్నావు?

పేద ధనికుల బేధం పారద్రోలి 

అంతరాలు అంతమొందిస్తావని 

ఆశిస్తుంటే...పేడ కంటే  కడుహీనమైన 

మాటలను..పెద్దల నోటంట ఎందుకు 

పలికిస్తున్నావు? 

రంగుల మాయల దారి తెలియని  

ధవళవస్త్రధారివని అమ్మ సరస్వతికి 

అచ్చంగా ప్రతిరూపమని నమ్ముకుంటే…. 

ఆదరించవెందుకమ్మా అందరినీ సమంగా? 

అచ్చులు హల్లులు నాసికాలతో  

అలరిస్తూ మాల వేసి మమ్ము నీవు

ఉద్దరించాలనుకుని  ఆకాశానికి 

నిచ్చెన వేస్తుంటే...తప్పులన్నీ మేము 

చేస్తూ ... తిప్పలు నిన్ను పెడుతూ

ఆడిపోసుకుంటుంటే... ఒప్పుగా

చూస్తాన్నావెందుకమ్మా  ? 

నగునూరి రాజన్న