నిస్సహాయత చుక్కలు
తేది : 04-04-22
శీర్షిక : చుప్పనాథులు
కవిత సంఖ్య : 248
ప్రజాస్వామ్యపు పంటపొలాల్లో
పైవాళ్లు పనులన్నీ దున్నుకుంటారు ....
పతారాతో పైసలన్నీ బాముకుంటారు
ప్రజలను తొక్కైనా పైకెదగాలనుకుం
అట్టడుగులకు అవగాహన లేములే ....
కూలి నాలీలతో పూట గడిస్తే చాలంటారు
అక్షరాస్యతలకు అర్రులు చాచరు ... కానీ
ప్రభత్వ పథకాలకు కొంగు జాపుతారు ....
పాలనలకు పాకులాడరు
పథకాలకు ఎదురు చూడరు ....
పాలింపబడటానికి కష్ట పడతారు
పస్తులుండైనా పన్నులు కడతారు ...
మధ్యతరగతి...
అంతస్తుల అలమారాలో
ఎత్తుకెదగాలనే తాపత్రయం
ఒక్కటి కాని ఒంటరులే ఎప్పడూ
ఆత్మాభిమానంతో అన్నం తింటారు ....
మెతకవైఖరితో గుటకలేస్తారు
మొత్తుకుని ఊరకనే వదిలిపెడతారు
ప్రశ్నించడానికి పనికి రారు
ప్రభుత్వాలకు ఆదాయ వనరు ....
నిస్సహాయత నీరసాలకు వారసులు
మిడిమిడి జ్ఞానాలతో మిడిసి పడతారు
ఆరంభ శూరత్వాలతో అలిసి పోతారు
చుక్కలు లెక్కించుకునే చుప్పనాతులు ...
నగునూరి రాజన్న
కరినగరము
No comments:
Post a Comment