ధరల జాడ చెప్పరూ ...
తేది : 05-05-2022
శీర్షిక : బక్కోనికి చిక్కేది…దక్కేది…
కవిత సంఖ్య : 897
చీకటి గదిలో లేని నల్ల పిల్లిని వెదికిన
చందమటంచు బోధించిన గురువర్యులకు
నమస్కృత వందన చందనములు…
పాఠ్యాంశాలకు నేనెప్పుడూ పబ్బతి పడతా…
అర్థ శాస్త్రమో .... ఆర్ధిక శాస్త్రమో
అర్థంకాని విషయాల సమాహారం
అధిక ధరల గొలుసు వ్యవహారం
ఆమ్ ఆద్మీకి గుండెలపై పెను భారం…
అష్ట కష్టాలు అనుభవిస్తూ ఆరుగాలం
అరక దున్ని పండించిన పంటలకు రైతన్నకు
అధమంగా కూలి డబ్బులు గిట్టవు..కానీ
అంగడిలో సరుకుల ధరలకు రెక్కలొస్తాయి…
పూట పూటకు అడ్డ మీద నిలబడి
హరిశ్చంద్రునోలె తనకు తననమ్ముకుని
తనవాళ్ళ కడుపులు నింపాలనుకునే
పని వాళ్ళకు పనుల కొరతలుంటాయి…
కానీ..పస్తులు పలకరిస్తుంటాయు..ధరలు
వెక్కిరిస్తుంటాయి…..
చూడ చూడ రుచుల జాడ వేరులా…
దళారులు దండుకుంటున్న వైనం…
దగా చేస్తున్న పాలకులు అధికారులు…
పీడితులు మాత్రం జనసామాన్యం ….
ఆర్థిక బంధాల హడావుడులు కాకుండా…
మానవ సంబంధాల పలకరింపులు ప్రతిచోటా
జోడిస్తేనే….పారిశ్రామికీకరణల ఫలితాలైనా…
గ్లోబలైజేషన్… లిబరలైజేషన్…ల ఫలితాలైనా
నిండు మనసుతో బక్కోనికి చిక్కేది…దక్కేది…
నగునూరి రాజన్న
No comments:
Post a Comment