నేరెళ్ల వేణుమాధవ్ గారు
28-12-2022
శీర్షిక : ధ్వని మాంత్రికుడు
ధ్వన్యనుకరణలో దండిదొర
తొలితరముగా వినుతికెక్కిన
వీనుల విందైన విశ్వవిఖ్యాత ...
తెలంగాణవారి ఓరుగల్లు బిడ్డ
కంచు కంఠముతోడ కాంచిన
పలుకులన్నీ కమనీయ గాత్రం చేసి
మెప్పించి మురిపించె విశ్వమునెల్ల
గురువునెరుగని శిష్యుడు ఏకలవ్యు
సొంతనేర్పరి వింతగానూ ...
కష్టనష్టాలకు కదిలిన మనసుకు
చెదిరిన గొంతుకయినా .... కాలం
కలిసివస్తే సుఖభోగాలకు సుందరమైన
రాగయుక్తాల రంగదీప్తిగానైనా .....
పక్షుల కిలకిలారావములను
గాలిలోని గమ్మత్తైన హోరును ...
జలపాతంలోని గలగలలను ...
రైలు బండి కూతగమనాలను ...
మెయిలుబండి మోతలను ...
ప్రకృతిలోని ఎన్నో ధ్వనులను ...
పట్టి బంధించె దిట్టముగాను ...
ప్రతిబింబింపజేసి ప్రజలందరికి
ప్రమోదములు మూటగట్టిన ప్రసన్నమూర్తి ...
వివిధ నటసార్వభౌముల
వాక్భంగిమలను దిటవుగాను ...
విశేషతలొందిన వేర్వేరు పాలకుల
వింత వింత పదబంధాల సుందరతలను...
మాటకు పోటీపడి కదపని పెదవుల
కళ వెంట్రిలాక్విజం వృద్ధిపరిచి
పాట్యంశములుగా మలిచిన గుణశీలి
వందల మందికి మార్గదర్శి అయ్యారు ...
మొక్కవోని ప్రతిభల వెలిగిన
ధీశాలికి లెక్కలేనన్ని సన్మానాలు
లెక్కకుమించిన సత్కారాలు
అత్యుత్తమంగా పద్మశ్రీ తో సహా ....
నగునూరి రాజన్న
కరినగరము (రిచ్మండ్)
No comments:
Post a Comment