వాలు జడ
తేది : 21-12-22
శీర్షిక : భారతీయ సంస్కృతి
కవిత సంఖ్య : 192+7
అతివల అందాలకు సుందరం
సంస్కృతి సంప్రదాయాల నిలయం
కుసుమ మనోహరాల వికసితం
విశ్వ వీధి గగనాన హిమశిఖరం...
నల్లని కురులు నీలి మేఘాలై
చల్లదనాల ఆరోగ్యాల నీడలై
వలపుల కుసుమ బాణమయ్యే
వయ్యారి భామల వాలుజడ ....
అప్పుడప్పుడు చిరు కోపాలకు
చిలువలు పలువులు అల్లుతూ
కొసిరి చేసే కొంటె కోణంగి వేషాలకు
ఊతమయ్యే ఉపయుక్త సాధనం ...
పట్టువస్త్రాలు తోడయ్యాయంటే
బెట్టులన్నీ మాయమే ఇక ....
గుండు మల్లెలు చుట్టారంటే
గండు తుమ్మెదలకు మన్మథ బాణం ...
చిత్రకారులకు చమత్కారం
కవుల వర్ణనలకు కొలమానం ....
సాంప్రదాయ నాట్యాల సరంగు ...
పెనిమిటి మనసు దోచే ఫిరంగు ....
నాటి నుండి నేటివరకు
నింగినంటే భంగిమ శోభలే
వెండితెరల జాడలలో సైతం
వసంతాల కుసుమ మనోహరం ....
నగునూరి రాజన్న
No comments:
Post a Comment