సి పి బ్రౌన్
తేది : 13-12-22
శీర్షిక : తెలుగు భాష దీవెనలు
సంఖ్య : 192 +4
ఎందరెందరో మాహానుభావులు
ఏలికలుగా కొందరు రాయలవారిలా
పండితులుగా లెక్కలేనంత మంది....
పరాయివాళ్ళైనా పట్టుకున్నవారు కొంతమంది.
ఇటాలియన్ అఫ్ ది ఈస్ట్
అని పేరెన్నిక కన్నందుకో ఏమో ...
తెలుగు భాషనే శ్వాసగా మలుచుకుని
అనితరమైన సేవలందించాడు ...
తెల్లవాడైతేనేమి? తెలుగు ప్రేమికుడు
పర తమల భేదమెరుగని తెలివైనవాడు
పలు భాషల కోవిదుడు.. అక్షరాలతో
ఆకలి తీర్చుకున్న భాషా జ్ఞాని .
భారతదేశంలో పుట్టినందుకు
తెలుగు గడ్డమీద ఉద్యోగం చేసినందుకు
పుట్టిన గడ్డకు పుట్టెడు చాకిరీ చేసుకున్నాడు
అబ్బురపరిచే నిఘంటువు కూర్చినాడు.
వెల కట్టలేని వేమన పద్యాలను
వెలికి తీసి ఉనికి చాటినాడు.
స్వయంగా రచనలెన్నో చేసి
తెలుగు భాషోద్ధారకుడై వర్దిల్లినాడు ..
తెలుగువారు చేసుకున్న పుణ్యమో
తెలుగు భాషా ఇచ్చిన దీవెనలో
తేనెలొలుకు భాష తెలుగుకు
బహులెస్సగ కుదిరే బ్రౌన్ గారి సేవలు ....
నగునూరి రాజన్న
కరినగరము (రిచ్మండ్)
No comments:
Post a Comment