చిత్ర కవిత
తేది : 16-12-2022
శీర్షిక : అనుబంధాలు
తాటివనంలోన తండ్లాటలాయె
గొర్లమందకొరకు గోసపడుతూ
తాత మానవరాండ్ల తపనలు ...
పొద్దుగడుపుకోను సుద్దులతో ....
ఒకరిది ఉదయించే వయసు
మరొకరిది మూలిగే మనసు
అయితేనేం ! ఒకరికొకరు తోడైతేనే
ఒలకబోసేది జీవితామాధుర్యం ..
ముసిముసిగా నవ్వుతుంది
ఓరకంట పసికడుతూ ...
మూడుకాళ్ళ తాతకు తోడుగా
గొర్ల మందకు గొప్ప కాపలాగా...
విశ్వమెంత విచిత్రమో
కర్ర ఊతమై కలిపింది చూడు ...
కష్టాలను అధిగమించి
కకావికలన్ని జయించింది ....
అనురాగ సుగంధాలతో
పరిమళించు బంధాలు ....
ఆత్మీయత అనుబంధాలకు
చిరునామాగా నిలిచిపోవు ...
నగునూరి రాజన్న
No comments:
Post a Comment