అనుకోకుండా
తేది : 12-12-22
శీర్షిక : కాలం చేతిలో కీలుబొమ్మలం ...
జిహ్వ జిహ్వకో రుచిలాగా
అందరికి సాధ్యపడక పోవచ్చు ...
అందుబాటు కాకనో ... అందుకో లేకనో ..
అనుకున్నవన్నీ జరగక పోవచ్చు ...
అనుకున్నట్టుగా సాగిపోవాలంటే
సవాలక్ష సందర్భాలకు తగిన
విధంగా మనకు మనం మలచుకుని
స్వీయ క్రమశిక్షణల చింతనవ్వాలి ...
ఆలోచనలంకురించగానే అమలుకు
కసరత్తులు ...తెరిపిలేని ప్రణాళికల పర్వాలు
అడుగడుగునా ముందు జాగ్రత్తలు
అడగపోయినా అతి జాగ్రత్తలు ....
ఇన్ని చేసినా ... పరిస్థితుల అనుకూలతలు
ప్రభుత్వాల స్థిరత్వాలు ... పదాధికారుల
ప్రశిక్షణా నైపుణ్యాలు ... వ్యక్తిగత.. దేశ
రాజకీయ ఆర్థిక స్థితి గతులు పరిస్థితులు ...
అన్నీ అయ్యాక దేవుడు కరుణించినా
పూజారి కరుణలేక ... కకావికలమయ్యే
కనులముందు జరిగే అనుకోని స్థితులు
కాలం చేతిలో కీలుబొమ్మలమే మనమంతా ...
నగునూరి రాజన్న
No comments:
Post a Comment