కాలం నడిచి వెళుతుంది 23-12-22 శీర్షిక : విలువ తెలిసి నడువు ...

 కాలం నడిచి వెళుతుంది 

23-12-22

శీర్షిక : విలువ తెలిసి నడువు ... 

కాలగమనాలే కాంతి రేఖలు 

కల్మషమెరుగని సమయసూచీలు 

వింతగా విశ్వానికి ఉన్నతమైన ఊతం 

జీవరాశికి మానవాళికి మణిమాణిక్యం ... 

కాలంతో పాటుగా  కార్యాలు 

చక్కబెడుతూ కదం కలపడమే 

సార్వజనీన విజ్ఞత ...గప్పాలెన్ని చెప్పినా .. 

ఘడియ  కాలాన్ని పట్టుకోలేము ... 

రెప్పపాటు నిరుపయోగం కావించావో 

కప్పగంతులేసి నిను దాటి పోతుంది ... 

ఉపయుక్తంగా ఉపయోగించుకోగలిగావో 

వివేకాల విఖ్యాతమే నీ విజ్ఞానం ... 

వంకలు చెప్పి పనులు వాయిదాలు  

వేసుకుంటే.. కర్కశంగా తనలో 

కలిపేసుకుంటుంది ...కష్ట నష్టాలను 

ఖాతాలో జమ చేస్తూ ... సుఖ దుఃఖాలను 

సుందరంగా కలుగ జేస్తూ ...  

 

కాలం విలువ తెలిసిన హైందవం 

కనిపెట్టింది అందుకే పంచాంగం ... 

విలువలెరిగి వివరంగా ప్రతి ఉగాదికి 

పదిలంగా పూజించడమే ప్రశస్త్యం ... 

నగునూరి రాజన్న