భారతీయం
తేది : 23-12-22
శీర్షిక : అద్వితీయం
కవిత సంఖ్య : సహస్రాధికం
మననంలోనే మహోన్నతం
అనన్యమైన ఆసేతు హిమాచలం....
అణువణువున రోమాంచితం
ఆదిగురువుల చరితలభరితం .....
వేదఘోషలకు వేదికైన ఈ దేశం
పురాణాలకు పుట్టినిల్లైన భారతం ...
ఇతిహాసాల ఇంద్రధనుస్సు ...
ఉత్కృష్ట ఉపనిషత్తుల వటవృక్ష
ఛాయలలో సేదలు దీరుతూ....
రామాయణ మహాభారత సతత
హరిత కావ్యాల శ్వాసలు పీల్చుతున్న
హరిత కావ్యాల శ్వాసలు పీల్చుతున్న
తనయులతో నిండిన బంగరు తల్లి
ఈ భారతమ్మ గడ్డ ....
అఖండ చరితల ఆధ్యాత్మికత
భవ్యమైన బోధనల భగవద్గీత
మహాఋషుల శాస్త్ర వారసత్వం
మహిమాన్వితమైన సంప్రదాయం ...
పంచభూతాలను పట్టినా ముట్టినా
పబ్బతి పట్టే విలువల సంస్కృతి నీడలు ....
పబ్బతి పట్టే విలువల సంస్కృతి నీడలు ....
ప్రకృతే పరమ పవిత్రమని నమ్మే సుగుణ
సంపన్నమైన సంస్కృతి ఛాయలు .....
కొదువలేని ఆత్మీయతలు నిండిన
కొదమసింహాలైన దేశభక్త లోగిళ్ళకు...
కోట్లాది మంది తనువులర్పిస్తున్న
అనురాగ మూర్తులైన సైనికులకు....
మాతృదేశమన్న మమతలు పొంగే
అనుబంధాల సందళ్ళకు ...
భిన్నత్వంలో ఏకత్వం చూపించే
పరమత సహనాలకు పరమ విశిష్టం ...
అప్పుడప్పుడు అక్కడక్కడా
తల్లిపాలు తాగి రొమ్ముగుద్దే
పిపీలికంలాంటి అల్పులు అరిచి గీపెట్టినా...
అద్వితీయమయిన చరితల ఆనవాళ్లే ..
నగునూరి రాజన్న
No comments:
Post a Comment