పొడి తీరాలు
తేది : 13-12-2022
శీర్షిక : చౌడు నేల
కవిత సంఖ్య : సహస్రాధికం.
పారిశ్రామికీకతల ఫలితమో
పట్టణీకరణల పరిణామమో
మొహమాటం లేని మోసాలకు
కొంతమంది చిరునామాలై పోతున్నారు .
తడిని నిమిషం కూడా నిలువ నీయదు
పొడిని ఏమాత్రం విడిచిపెట్టదు
మొక్కలను అసలు మొలవనీయదు
పంట ఏకోశానా దక్కనీయదు ....
అణువణువున స్వార్ధపు సంచుల జాడలే ...
నాకేంటంటూ ఎదురు చూపుల కొక్కెం…
సందు దొరికితే చాలు..సర్దుకునే రకాలు ....
కొంతమంది బడా నాయకుల్లా...
బిగి పంటకు అక్కరకు రాని చౌడు నేల
బీటలు వారిన బీడు భూమి …
సిగ్గు బిడియం వదిలేసిన
కొంతమంది నేటి పాలకుల్లా ....
ఆభరణంలా శోభించే అనన్యమైన
మానవత్వాన్ని పొదువుకుని
మమతల తీరంలో సేదదీరితేనే
మనిషన్న ప్రత్యేకత పదిలమై
నిలుచు పదికాలాలు జీవరాశిలో ...
No comments:
Post a Comment