గజల్
తేది : 16-12-2022
కవిత సంఖ్య : సహస్రాధికం
ఖండగతి 5/5/5/5
పనులలో తలమునక తగ్గించు మనోహర
బంధాల బాధ్యతను గుర్తించు మనోహర
అతివలకు పెనిమిటే సర్వమని తలంచును
సుదతిపై శ్రద్ధలను హెచ్చించు మనోహర
చింతలను వదిలేసి గంతులే వేద్దాము
తోటలో పువ్వులను తురిమించు మనోహర
అలకలను వదిలితే ఆనంద తీరాలు
నవ్వులను విసిరేసి లాలించు మనోహర
బ్రతుకంత రాజసమె కనిపెట్టి మెదిలితే
భవితంత పులకింత పాలించు మనోహర
నగునూరి రాజన్న
కరినగరము (రిచ్మండ్)
No comments:
Post a Comment