శోభిత కిరీటాలు
తేదీ - 23-03-2020
శీర్షిక -అమ్మలంతా నిత్య శోభిత కిరీటాలే ......
సంఖ్య - 375
కరోనా వైరస్ పుణ్యమో
కర్మ ఫలితాల పాపమో
కట్ట కట్టి కబంధ హస్తాల్లో బంధిస్తుంటే....
కనికరం లేని రోగ నివారణ చర్యల్లో భాగంగా....
ప్రభుత్వ ప్రవేట్ ఆఫీసులు మూసేసారు
రవాణాలు అన్నీ నిలిపేశారు
ప్రజలు సమూహంగా తిరిగితే
పట్టుకోలేమని.. నిరోధించలేమని ... రోగ వ్యాప్తిని....
మాళ్లు సినిమా హాళ్లు మూసారు
వ్యాపారాలన్ని కట్టడి చేసారు
మానవ తప్పిదమైన మాయా రోగం నుండి
మనల్ని మనం రక్షించుకునేందుకు....
బడులు గుడులు మూసేసారు
జన సమూహాలను నిరోధించాలని
పిల్లల పరీక్షలన్నీ నిలిపేశారు
భావి తరాల క్షేమాన్ని దృష్టిలో ఉంచుకుని...
పరిణామాల తీవ్రతలను
పరిధి దాటనీయకుండాలని
పాలకుల మార్గదర్శకాలను
ప్రజలంతా పాటిస్తున్నారు.....
అన్నింటికీ సెలవులిచ్చినా
అందరికి సెలవు దొరికినా ......
ఆడవారికి మాత్రం అస్సలు లేదు సెలవు
అందుకే అమ్మలంతా నిత్య శోభిత కిరీటాలే ......
నగునూరి రాజన్న
హైద్రాబాదు.
No comments:
Post a Comment