మధుర భాషణం
తేది-11-04-2020
శీర్షిక: స్థిత ప్రజ్ఞత మాటలు...
సంఖ్య: 391
యాంత్రిక జీవనాన పయనిస్తూ
అవసరాలకు మాత్రమే అలరిస్తూ
ఆర్తి ధీర ముచ్చట్లను ఆస్వాదిస్తానంటే
అయిపోతాయా మధుర భాషణాలు ....
రెక్కలు తెగిన పక్షిలా ఒంటరైనప్పుడు
ఆలోచన సుడిగుండాలలో...
చుక్కల్లో చంద్రుడై నలుగురిలో
నిక్కముగ వెలుగులీనుతున్నప్పుడు.......
నాలుకను అదుపులో ఉంచుకుంటే
ఆనందాల వెలుగులే సాగు జీవితాన .....
మనసున విషబీజం నాటుకుని
మాటల్లో పాయసాలు వడ్డించే నటనల
మాయల మరాఠీలు స్వకార్యాలు
చక్కబెట్టుకునే స్వార్థపరులున్నంత కాలం ....
మధురభాషణల జాడలు వెతుక్కోవాల్సిందే...
మితంగా హితంగా భావ వ్యక్తీకరణ
కఠిన సత్యమైనా.... సరళంగా ....
కఠోర వాస్తవమైనా..... ప్రేమగా .....
అనిశ్చిత ఇబ్బందిలోనైనా హుందాగా మర్యాదగా ..
శత్రువుతోనైనా మిత్రువుతోనైనా సఖ్యతగా....
స్థితప్రజ్ఞత మాటలన్నీ.... మధురభాషణలే.....
నగునూరి రాజన్న
హైదరాబాదు.
No comments:
Post a Comment