వివేచనం

వివేచనం

అందరూ చదువుతారు 

ఆ సమ కాలపు పుస్తకాలు 

కొందరు మాత్రమే చదువుతారు 

ఒక విషయం మీద వెలువడ్డ వివిధ పుస్తకాలు 

అందులో మీరు ప్రత్యేకం  

గోదావరి గలగలలు మొదలుకుని 

సారథి సిధారెడ్డి సాహిత్యాలు 

బి ఎస్ రాములు దేశపాండేల సామాజికత్వం 

దాశరథిల దార్శనికతలు 

కాళోజీ కథల తాత్వికత్వం 

తొలి తెలుగు కంద పద్యాల మూలాలు 

ఆధునిక సాహిత్య ప్రక్రియలు 

రావికంటి రామయ్యగారి ప్రజాపక్షం 

జీవిత పోరాటాల కోట ముగ్దుమ్ బాట 

నలిమెల సాహిత్య నవనీతం 

రాచపాళెం వచన కవితా దిక్సూచి  ఆదిగాగల 

ఇరువదారు పుస్తకాలను ఇమ్మడించినారు. 

జయహో జయ జయహో 

శ్రీ దాస్యం సేనాధిపతిగారు 

అసాధారణం మీ   వివేచనం 

అమోఘం ఈ  వివేచనం 

అందుకోండి అభినందనలు 

అందుకోండి శుభాభినందనలు.   

నగునూరి రాజన్న 

కరీంనగర్