(కరోనా 7 )
ఒకప్పుడు :
ఆర్థికతలో అధిపతినంటూ
అంగబలంలో
అజేయమంటూ
అభివృద్ధిలో జగపతినంటూ
ఆకాశమే హద్దుగా ఆక్రమించిన వైనాలు ....
ఇప్పుడు:
ఊగిసలాటలో ఉత్పత్తి రంగాలు
నిలిచిపోయిన సేవారంగాలు
పొంతన లేని విఫణి వీధులు
అంతుబట్టని దేశాల ఆర్థికతలు ....
మూగబోయిన వర్తక వాణిజ్య కూడళ్లు
అసంఘటిత కార్మికుల ఆకలి కేకలు
వరస మారుతున్న వలస కార్మికులు
అభాగ్యుల జీవిత అతలాకుతలాలు .....
కపటదారుల కరోనా సూక్ష్మ క్రిమి
కల్లోలాలను మూటగట్టుకొస్తే
ఆగిన ప్రపంచం అందాలను ఏరుకుంటున్నది
విసిగిన విశ్వం దృశ్యాలను మార్చుకుంటున్నది
ప్రకోపించిన ప్రకృతి సైతం
పరితపిస్తుంది పరిపరివిధముల
ప్రజ్వలించే నారాయణాస్త్రం
ప్రశాంతమైతే ప్రజలంతా క్షేమం ....
నగునూరి రాజన్న
హైదరాబాదు.
No comments:
Post a Comment