శీర్షిక: మాయం కాదా కరోనా...!
గబ్బిలమే కేంద్ర బిందువు
గడబిడపరిచే తలకిందుల
ఉహానునుండి ఉడాయించింది
విశ్వమంతా వ్యాపించింది....
తుమ్ము దగ్గు పడిశమే అనుకుంటే
తమ్ముణ్ణి కూడా దూరం చేస్తున్నది
సూక్ష్మమే కదా అని నిరాదరిస్తే
మోక్ష మార్గాన్ని చూపిస్తున్నది....
ఎదురులేదనుకున్న వారందరికి
అనుభవాల మూటలు అందిస్తోంది
ఎదురు దెబ్బల మాట జాగ్రత్తలు
ఎదలను చీల్చి చెండాడుతున్నది....
సంప్రదాయమో సశాస్త్రీయమో
శుచి శుభ్రతలు నేర్పిస్తున్నది
అత్వవసరమో ఆలనాపాలనమో
అంటరానితనమే థెరపీ అంటున్నది....
నానాయాగీ చేసిన
కలి నారదులకు నాటి
మనుసిద్ధాంతాన్ని మళ్ళీ
మననం చేస్తున్నది .....
కలి మాయల క్రీనీడలో
కారు చీకట్ల కపట నీతులో
దురంహకారుల దుర్నీతులో
హా హా కారాలతో విశ్వమంతా గగ్గోలు....
స్వీయ నియంత్రణ సంయమనం
శుచి శుభ్రతల విస్తారాలు
మనుషుల దూరాలు పాటిస్తే
మటు మాయం కాదా కరోనా...!
నగునూరి రాజన్న
హైదరాబాదు.
No comments:
Post a Comment