నగునూరి రాజన్న
ముఖస్తుతి
తేది 13-04-2020
శీర్షిక : శ్రీరామ రక్ష ....
సంఖ్య : 392
స్వార్థ చింతనలు కొంతైన లేక
స్వర పొంతనల పొగడ్తల
మాటలు వాస్తవాన మంత్రమైతే
మనసున బంధమై నిలుచు...
నక్క వినయాల నటనల అగడ్తలు
నాగ లోక మార్గదర్శకాలు...
కలి నారదుల కల్పన వాక్కులు
కకావికల కాల్పనికాలు....
కపటత్వం కనిపెట్టకపోతే
కనికట్టే అవుతుంది
కన్ను మిన్ను కానకుండా పోయి
కష్టకాలం ఎదురౌతుంది ....
రాజ్యాలేలిన రారాజులైననేమి
గృహసీమల రమణులైననేమి
రంజయిన మూస పొగడ్తలకు
రయముగ తలకెక్కవా రాగద్వేషాలు....
అడుగడుగున ఆదరించు ఆలంబనలై
స్వయం నియంత్రణల సంతులితలు
సాక్షాత్ స్వీయ విశ్లేషణల చిట్కాలు
సదా రక్షించు ఛాయలై శ్రీరామ రక్షణలై .....
నగునూరి రాజన్న
No comments:
Post a Comment