మాతృ భాషాభిమానం 2
తేదీ - 6-4-20
పుట్టింది పూరిపాక పల్లెలో అయితేనేం
పెరిగింది మధ్యతరగతిలో కావొచ్చు
అమ్మ ఆశీస్సులు ఆవాణి కరుణలే
అమ్మ భాషంటే అభిమానమయ్యింది
చదివింది వాణిజ్య శాస్త్రములైతేనేమి
గణక లేఖకులుగా కొలువుదీరితేనేమి
గురువు బోధనల సులభ చందస్సో
గురి కుదిరి గర్తున్న యతి ప్రాసలేనేమో....
బతుకు బాటలో జీవనోపాధి స్థానం
పారిశ్రామికప్రాంత రామగుండం
కేంద్ర ప్రభుత్వ విద్యుత్ సంస్థ వలన
ఆంగ్ల మాధ్యమమే అధికార వర్తమానాలకు....
అణువంతే కావొచ్చు నా అభిమానం
అయినను చాలు ఆర్తి దీర్చుకొన...
అమ్మ భాష మీద నాటి అభిమానమే
ఆలోచనల తరంగాలై అడుగు వేయిస్తున్నది....
ప్రభుత్వ సేవల పనుల్లో లీనమయి
పరి పరి విధముల పట్టు పెంచుకుని
అప్పుడప్పుడు వ్రాస్తూ వచ్చిన కవితలు
అచ్చయితే చూసి ఆనంద పడ్డ సందర్భాలు....
No comments:
Post a Comment