అనంత కీర్తి
తేది- 18-04-2020
శీర్షిక- వారే “కీర్తి కిరీటులు“
సంఖ్య-397
ఒక్కసారి గతంలోకి తొంగి చూసుకుంటే
ఒళ్ళు గగుర్పొడుస్తుంది.....
అరకొర సదుపాయాల అతుకు
బతుకు సంసారాల కాలములో
అమ్మా నాన్నలు చూపిన ఆత్మ స్థైర్యం...
ఆరుగాలం కష్టపడి
అరక దున్ని పంట తీసి
అరడజను మందినైనా అవలీలగా
పోషించగలమని వారు చూపిన ధైర్యం....
పది లేకుంటే పజీతలు
పది కూడాలంటే పస్తులు
పది చుట్టూరా మా జీవితం
పట్టుబట్టి గట్టెక్కిచ్చిన వైనం ....
అడుగడుగునా కష్టాలీదుకుంటూ
అవేమి మాదృష్టికి రానీయకుండా
మా అందరికి అక్షర జ్ఞానం అందించిన
చైతన్యం వారి దూరదృష్టి .....
అంతగా రవాణాలు లేని ఆరోజుల్లో
అక్షరమూర్తులైన మా మాష్టార్లు
అష్టకష్టాలు పడి సైకిళ్ళమీద చేరుకొని
మా ఉన్నతికై పాటుపడిన తీరు....
వారే “కీర్తి కిరీటులు“ మా జీవితాన....
నగునూరి రాజన్న
హైదరాబాదు.
No comments:
Post a Comment