శీర్షిక: కరోనాపై... కలిసి పోరాడుదాం
కరోనాను ఎదురెళ్లి
కావలించుకుంటావా?
కనువిప్పుతో ఎదురొడ్డే
కలేజాను సాధించు సోదరా!
కలబడి కొట్లాడేకన్నా
కనుచూపు మేరనే
కట్టడి చేసి నిలుపుదాం
కదం కలుపు సోదరా!
బ్రతుకు బ్రతుకనియ్యు
బాగుందాం అందరం
బలుసాకైనా తిని బ్రతుకొచ్చు
బాగు కోరు సోదరా!
విశ్వమంతా కుదేలౌతుంటే
వినవెందుకు సోదరా....
మనుషులంతా మరణిస్తుంటే
మాట వినవా సోదరా!
వైద్యులు నర్సులు పోలీసులు
కుటుంబాలకు దూరంగా
కునుకు మరిచి కునారిల్లుతున్నరు
కూసింత మనుసుపెట్టి సూడు సోదరా!
నీకొరకు నాకొరకు
నిప్పుల కొలిమెక్కినారు
నిజమైన దేవుండ్లు వాళ్ళు
నిక్కముగా నమ్ము సోదరా!
కనపడని క్రిమికోసం
కత్తిమీద సాములా
కవాతు చేస్తున్నారు
కదిలిరా సోదరా!
పుట్టిన ప్రతివారికి
మరణం తథ్యమైనా....
అకాల మరణాలను
అడ్డుకుందాం సోదరా!
కంటికి రెప్పలా మనల్ని
కాచుకుంటున్నరు పాలకులు
కరోనాపై...కలిసి పోరాడుదాం
కదిలిరా సోదరా!
నగునూరి రాజన్న
హైదరాబాదు.
No comments:
Post a Comment