దార్శనికులు

దార్శనికులు

తేది- 28-03-2020

శీర్షిక- సమాజమే దేవాలయం ... 

సంఖ్య - 379

స్వార్థ చిట్టాలను చంకనుండి దింపేసి

మానవ శ్రేయస్సులను నెత్తికెత్తుకున్న 

విశ్వ కళ్యాణ అభిలషణీయులు

సమకాలీన మహర్షులు మహనీయులు 

సమాజమే దేహమనే దార్శనికులు ...    

గత చరిత్రల ఆకళింపులతో

వర్తమానాల అవగతంతో 

భవిష్యత్  గమ్యాలను గుర్తించి

గమన పథాలను నిర్దేశించేవారు.... 

పరిస్థితులులెంత విచ్చిన్నమైనా 

పొరుగు క్షేమం తదుపరే పొందు లాభం 

అందరు బాగుండాలి అందున నేనుండాలి 

వ్యక్తిగతం కన్న సామూహికం సమాజమే మిన్న....

రంగమేదైనా శైలి రంగు వారిదే

రంగు రుచి వాసన వారి పేరనే

దశాబ్దాలు శతాబ్దాలు మారినా

కాలమేదైనా కనేది వినేది వారి మార్గమే..... 

ఆధ్యాత్మిక పరమహంసలు 

అహింసావాద జాతిపితలు 

అఖండ భారత ఉక్కుమనుషులు 

అంతరిక్ష కలల అధిపతులు..... 

ఎందరో మహానుభావులు 

నా దేశ ఉన్నతికి... వారందరికీ వందనాలు ... 

నగునూరి రాజన్న 

హైదరాబాదు.