నగునూరి రాజన్న
అన్యోన్యత
తేది 01-04-2020
శీర్షిక: ఇరుపక్షాల ఇగురించాలి.
సంఖ్య. 382
పురాణేతిహాసాల పుట్టతేనె
ఉత్తమ ఉపనిషత్తుల భాండాగారం
సత్సంప్రదాయాల పొదరిల్లు
అభేద్యమైన బంగారు భారతం...
అరమరికలు కొరవడ్డ అన్నదమ్ముల చరితలు
అదను చూసిన శత్రుమూకలు
విరుచుకుపడ్డ కథనాలు
ఎందరెందరో ఏలిరి ఏండ్ల తరబడి......
పొంతన లేని పోరు అలసిన అతివాదం
సత్యం అహింసవాదం నిరాహారదీక్షలతో
నిగ్గు తేల్చి రొమ్ము విరిచె గాంధీ గిరి...
తెల్లవారి గుండెల్లోన రైల్లు పరుగెత్తించె ..
వందల ఏండ్ల సుదీర్ఘ నిరీక్షణలతో
విధిలేక .... ఇచ్చినట్టే ఇచ్చె స్వాతంత్య్రం
విభజించి పాలించే విషనాగుల చరితులు...
విత్తె కదా విషబీజం...విడగొట్టి...దడిగట్టె
పక్కలోన వృక్షమాయె....
తలకిందుల వేలాడినా... తండ్లాట కనపడదు...
అర్రులు చాచి అన్యోన్యత ప్రదర్శించినా...
అర్థం చేసుకోలేని అపరిపక్వ అకతాయితనం....
భగవంతుడే మంచి మనసివ్వాలని కోరుకుంటా....
నగునూరి రాజన్న
హైదరాబాదు.
No comments:
Post a Comment