కాలం మార్చిన కరోనా కథ... (8)

శీర్షిక : కాలం మార్చిన కథ... (8)

తేది :16-04-2020    

భారతీయమంటే బహుపురాతనం 

కాదని ఒక్క నమస్కారంలోనే 

సమస్త జీవన సంస్కారం ఇమిడిన  

భవ్యమైన విధానమని నిరూపితం ..../. 

కాసుల వేటలో కనికరాలు మరిచి 

కఠిన పాషాణమై చోద్యం చూసిన వైద్యం 

కాదని మానవత్వం నెత్తికెత్తుకుని 

ఆరాధ్యాలు అందుకుంటున్న వైనం ..... /

భక్షకులు రక్షకులన్న భ్రాంతిని విడిచి

క్రాంతి విధానమే మా మార్గమని

"జనం కొరకే మనం " అంటూ 

జన నీరాజనాలందుకుంటున్న వేళ ..... /

అంటీముట్టని శుభ్రత దూతలు

అనుంగు సోదరులై ఆదుకుంటూ

అహోరాత్రులు కనిపెట్టుకుంటూ  

అందలం అధిరోహిస్తున్న శుభవేళ..../  

ఛీత్కారాలు చీదరింపుల నుండి 

చేమంతులు గులాబీ మల్లెల జల్లుల

సత్కారాలతో సమున్నతమై శోభిల్లుతూ

కాలం మార్చిన కథగా నిరూపితమైన

శుభ సమయం... /

నగునూరి రాజన్న 

హైదరాబాద్