వృక్షాలింగనము
తేది- 04-04-2020
శీర్షిక: మానవాళి సంక్షేమం
సంఖ్య - 385
హరితముతోనే మానవ చరితం
పుట్టుక నుండి పుడకల వరకు
అంటిపెట్టుకునేదే అహరహరం
ఉఛ్వాస నిచ్వాసల రూపములో...
పట్టుకున్నా ముట్టుకున్నా
పవిత్ర పంచభూతాలను
పబ్బతి పట్టి మొక్కే
సంస్కృతి సంప్రదాయం.... మనది!
గాలిలోన తులసి గుమగుమలు
పరిమళాలో మరువ దమనాలు
కనులకింపైన సప్తవర్ణాల పూవులు
అభిరుచుల నింపే ఆనంద ఫలాలు....
తీగలల్లుకున్న ఆత్మీయతలు
వెలుగులు నింపుకున్న హరితములు
పూవులు వంపుకునే మకరందములు
పండ్లు మోసుకొస్తున్న పోషషకాలు .....
వెళ్లిపోయే వెండి మబ్బులకు
వెంటపడే వర్షపు ఛాయలు....
ఆకలైనా ఔషదమైనా అన్నింటికీ
వృక్షరాజమే మానవాళి సంక్షేమం.....
నగునూరి రాజన్న
హైదరాబాదు.
No comments:
Post a Comment